اولا السلام عليكم كنتمنا تكون فرحانين اوامور ديالكم على مايرام بغيت نعلمكم بلي هاد القصة ما هي إلى انمي عجبتني قصة ديالو او غادي نكتبوا او نقدر نبدل فيه شي حاجة مهم انمي سميتو(......)او يالله نبداو متنساوش تصليو على نبي
قصة ديالنا من اعوام فاتت ولكن ماشي بعيدة بزااف تقدر تقول كانت تكنولوجيا .البطل هو واحد شخص لي غنسميوه لود (متسولونيش على سمية )هاد شخص نقدرو نقولو فالعشرين من عمرو كيخدم جاسوس عند منظمة اول مهمة لي غادي نحضرو عليها (اما مهمات اخرين الله و اعلم هه) هي ملي كانو غادي يغتالو واحد شخص مهم فسيارة ديالو ولكن ملي دخل لود قدر انه يعتقو وهادي مهمة ساهلة بنسبة ليلو. منبعد منظمة كلفاتو باش يراقب  تصروفات او اعمال ديال واحد شخص خطير مهم بزاااف ولي ساهل يعرف بلي هو جاسوس دكشي علاش كان خصوا يتنكر ف دور ديال شخص عادي عندو عائلة مراتو و طفل باش ميتيرش شبهات لراسو ولكن علاش طفل مراتو كافية؟؟طفل باش يدخلو لمدراسة ديال نفس طفل ديال شخص لي باغي يراقب. مهم هو فاللول تعصب ولكن تفكر بلي هاد عملية مهمة بزااف وخاصة للناس والبشرية فنتاقل لدولة او مدينة لي عايش فيها شخص او شرة دار الحمد لله بقالو غير المرا و طفل ههه
....يتبع